Апталық жұлдыз жорамал

6-12 маусым

ТОҚТЫ (21.03-20.04).
Осы аптада сізге өмірдің қатал сабағын меңгеруге тура келеді. Айналаңыздағылармен сыпайы сөйлесе біліңіз. Осы аптада сіздің барлық жұмыстарыңыз жалынды ұранмен жүзеге аспақ. Сол үшін жұлдыздар көңіл-күйіңіз көтеріңкі болуын қалайды.

ТОРПАҚ (21.04-21.05).
Бұл апта сіз үшін жаңа жоспарлар мен іс-қағаздарға толы болмақ. Сондықтан асықпаңыз, қарбалас жұмыстың бәрін бір күнде аяқтау мүмкін емес. Уақытыңыз бен жұмысыңызды дер кезінде үлгеріп отырсаңыз, жеке өміріңізде де өзгерістер болмақ. Онымен қоса, жұмысыңыздың жемісін көресіз.

 

ТОҚТЫ (21.03-20.04).
Бұл аптада өзіңізге ғана сеніңіз. Дұрысы сізге күрделі жоспарларыңызды және өміріңіздегі жаңа өзгерістерге көңіл бөлмеу керек. Тыныштық сақтасаңыз, көп жетістіктерге жетесіз. Қаржылық жағдайыңызға көңіл бөліңіз. Жақындарыңызға да жәрдемдесуді естен шығармағаныңыз абзал.

ТОРПАҚ (21.04-21.05).
Бұл апта өте сәтті болмақ. Бизнесіңіздің қарқынды дамуына үлкен мүмкіндік туып тұр. Сонымен қатар материалдық және әлеуметтік жағдайыңыз жақсарады. Көптеген жұмыстарыңызға байланысты проблемалар сіздің талпынысыңызға әсер етпейді. Себебі, сіз осы аптада көп жетістіктерге жақын тұрсыз.

 

ТОҚТЫ (21.03-20.04).
Бұл апта сіз үшін қолайлы болмақ. Бұл аптада сіз: “Бәрі немесе ештеңе, бүгін немесе ешқашан” деген ұраныңыздан бас тартуыңызға тура келеді. Өмірлік және іскерлік жағдайларды реалистік тұрғыда бағалаңыз. Себебі ештеңеден тек қана ештеңе, ал елемес әрекеттерден армандар мен жоспарлар орындалады емес пе?!

ТОРПАҚ (21.04-21.05).
Сіз барлық жағдайда көтеріңкі көңіл күйде болуыңыз керек. Сізге берілген сынақ-жақсылыққа болмақ. Себебі, адамның қалауы көбіне оның қажеттілігіне қарама-қайшы келеді ғой. Бұл кезеңде жұмыс көп болмақ, бірақ, қорқатындай ештеңе жоқ. Жұмыс сізден әдеттегіден көбірек күш, жігерді және уақытты талап етпек.

 

ТОҚТЫ (21.03-20.04).
Бұл аптада құпия қорқыныштарыңыз бен маза бермеген мәселелеріңіз ұлғая түседі. Дұрысы сүйенген сенім-тоқтамдарыңыз анықтығын жоғалтып, алдамшы дүниеге кезігесіз. Жалғандық, өкініш, сәтсіздікпен күресемін деген тілек-талпы-ныстарыңыз сынға түсуі мүмкін. Осы аптада іскерлік шарт жасасу немесе қарыз алу мәселелеріңізді қоя тұрыңыз. Себебі, бастаған ісіңіз аяғына жетпей, құлдырауы мүмкін. Бірақ бұл аптаның сіз үшін жақсы жақтары да бар. Өз шыдамдылығыңыз бен қайсарлығыңыздың арқасында сіз үшін шынайы қымбат дүниеге кезігесіз.

ТОРПАҚ (21.04-21.05).
Бұл аптада бұрынғы ойларыңыздан арылып, жаңа белестерді бағындыруға аттануыңыз мүмкін. Сонымен қатар өзін-өзі тануыңыз бен шығармашылық бостандыққа талпынысыңыздың арқасында табысқа жетесіз. Ойларыңыз бен іс-қимылдарыңыз қандай бағыт алатыны белгісіз, бірақ психология, астрология, жаңа технологияларды тануға деген құлшынысыңыз артпақ. Қоршаған қоғамның сізге деген қарым-қатынастары өзгеріске ұшырайды. Алда күтпеген жайдайлардың орын алуы ғажап емес.

 

Тоқты (21.03 – 20.04)
Достарыңызбен жаңа жобаларды бастауға өте қолайлы кезең болмақ. Жұмыста асығыстық жасамаңыз. “Сабыр түбі, сары алтын” бұл мақал осы аптада сізге арналады. Шыдамды бола білсеңіз жақсы жетістіктерге жетесіз. Жеке өміріңізді жұмысыңыздан ажырата біліңіз. Балаларыңызға және олардың оқуына көбірек көңіл бөліңіз. Оларды жиірек мақтаңыз.Тез жанатын заттардан аса сақ болыңыз. Себебі, қайғылы оқиғаға тап болуыңыз мүмкін.

Торпақ (21.04 – 21.05)
Өзге адамдардың сезімімен ойнамаңыз, себебі өзіңізге ауыр соғуы мүмкін. Жұбайыңызбен келіспеушілік болуы мүмкін, әсіресе, балалардың тәрбиесіне байланысты. Өзіңізге не қажет екенін айқындап алыңыз, сосын тек сол бағытта жұмыс істеңіз. Басқа бос істерге уақытыңызды бөлмеңіз. Қаржылық жағдайыңызды жақсартуыңызға өте қолайлы кезең. Жалақыңыздың өсуі мүмкін. Бәрі өзіңіздің қолыңызда.

 

Тоқты (21.03 – 20.04)
Әдеби кітаптар оқып, өзіңді рухани жағынан байытасың. Әр кез сыпайылық сақтай білу, сені биікке көтереді. Үйіңе алыстағы аға-йын-туыстарың келуі мүмкін. Бұл апта көп еңбектенуді қажет етеді. Қаншалықты еңбектенсең, нәтижесі соншалық болмақ. Спортпен шұғалданып, денсаулығыңа көңіл бөлгенің жөн.

Торпақ (21.04 – 21.05)
Бұл апта сен үшін ерекше болмақ. Достарыңның тарапынан күтпеген сыйлықтар алып қуанасың. Ата-анаңның, бауырларыңның үлкен қолдауын сезінесің. Алға қойған мақсатың да, арманың да көп солардың орындалуын байқайсың. Ізденіс пен еңбектің арқасында біраз жетістіктерге жетесің. Бойыңдағы күшің көп оқып, еңбектенуіңе жеткілікті. Бос уақытыңды текке өткізбеуге тырыс.

 

Тоқты (21.03 – 20.04)
Бұл аптада тоқтылардың көп еңбектенуіне тура келеді. Барлық күш-жігеріңізді шын ықыласыңызбен жұмысқа арнағаныңыз жөн. Өзіңізге деген сеніміңіз арта түседі. Сіздің беделіңіз бен еңбексүйгіш қасиетіңіз болашағыңыздың жарқын болуына өз әсерін тигізеді.

Торпақ (21.04 – 21.05)
Іскерліктегі серіктестік торпақтардың қалтасының қалыңдауына себін тигізеді. Жанұялық жағдайыңыз да біршама түзеле түседі. Рухани қайратыңыз бұл аптада басты құндылыққа айналады. Бірақ өзіңізді тым асыра бағалап жібермеңіз. Сезім жетегінде кетуден сақтаныңыз.

 

8-14 тамызға арналған

Тоқты (21.03 – 20.04)
Тоқтылар үшін тынымсыз апта. Әсіресе, отбасылы тоқтылар үшін бұл апта соншалықты қолайлы емес. Егер қандайда бір тұрмыстық шаруа жиналып қалған болса, осы апта оның бәрін ретке келтіруге тырысыңыз. Ата-анаңызбен қарым-қатынасыңызға да қылау түскелі тұр. Ең бастысы, олардың келісімінсіз ешқандай шешім қабылдамаңыз, шалыс қадам жағдайды ушықтыруы мүмкін. Ал ғашықтар үшін сәтті кезең, нағыз романтикалық кештер осы аптаның еншісінде.

Торпақ (21.04 – 21.05)
Торпақтар бұл аптада көп уақытын отбасымен бірге немесе туған-туыс, жақындарымен өткізгені абзал. Керек болса, үйге қажетті жақсы сый, жаңа жиһаз сатып алыңыз, оның бәрі сіздің көңіл-күйіңізді көтере түспек. Ал сыртқы ортамен байланысты сәл үзе тұрыңыз. Тіпті көрші-қолаң, таныстарыңызбен де өте дипломатиялық қарым-қатынаста болғаныңыз жөн. Егер оқу курстарына барып жүрген болсаңыз, бұл апта өзіңізді қиын тапсырмалармен сынап көріңіз.

 

15-21 тамызға арналған

Тоқты
Тоқтылардың осы аптада үйдегі шаруашылық мәселелерімен кеңінен айналысуына күш-жігері мен материалдық жағдайы жеткілікті болады. Сізге бұл уақытқа дейін осы мәселелермен айналысуға мүмкіндік болмай келді. Соның ыңғайы осы аптаға түсіп тұр. Сондай-ақ, бұл аптада жанұя мүшелері мен ағайын-туыстардың көмегіне жүгіне аласыз. Жеке өміріңізде махаббат мәселесінде жағымды жаңалықтар тосып тұр. Жексенбі күні жақсылап демалуға тырысыңыз.

Торпақ
Торпақтарды осы аптада қыруар жұмыс күтіп тұр. Сіз осы аптада өзіңіздің емес, басқа жақындарыңыздың проблемасымен бас қатыруыңызға тура келеді. Бірақ өзіңізге де көңіл бөлуді ұмытып кетпеңіз. Осы аптада сіздің оқуыңызға немесе біліміңізді же-тілдіруіңізге байланысты біраз тер төгуіңізді қажет етеді. Сонымен қатар, бұл аптада сіздің интеллектуалдық белсенділігіңіз артып, басқа қырыңыздан таныласыз. Жанұяда өткен-кеткен реніштеріңіз басылып, жақын туыстарыңызбен қайта татуласасыз.

 

23-29 тамызға арналған

Тоқты
Бұл апта тоқтылар үшін өте қарбалас кезең. Туыстарыңыз, достарыңыз, тіпті, айналаңыздағы адамдардың бәрі сіздің қамқорлығыңызға зәру. Төзімдірек болсаңыз, барлығының да үдесінен шығасыз. Жаңа таныстық, жаңа орта, жаңа ақпараттармен толысып, таным көкжиегіңіз арта түспек. Жанталас тірліктің күйбеңі аптаның аяғында ғана саябырсиды.

Торпақ
Бұрынғы таныстарыңыздан жақсы ұсыныс түскелі тұр. Әрине, қызықты ұсыныс болған соң сіздің қызықпауыңыз мүмкін емес. Көп ойланудың қажеті жоқ, бұйырған іс аяқ астынан. Отбасы бюджетіне қомақты үлес қосуға мүмкіндік туғалы тұр. Бұл апта сізге сәттілік сыйлайды.

 
<< Бірінші < Алдыңғы 1 2 3 4 5 6 Келесі > Соңғы >>

Страница 1 из 6

Соңғы пікірлер

Статистика


Бүгін:496
Кеше:908
Барлығы:2708378